Um höfundinn
Steinunn Ásmundsdóttir rithöfundur og ljóðskáld fæddist árið 1966 í Reykjavík. Heimshornaflakk, ritstörf, blaðamennska, starf að náttúruvernd og landvarsla voru helstu viðfangsefni hennar fram undir þrítugsaldurinn. Á árabilinu 1989 til 1996 voru gefnar út þrjár ljóðabækur eftir Steinunni.
Árið 1996 kom hún heim frá Þýskalandi og flutti til Egilsstaða, þar sem hún bjó næstu rúmlega tuttugu árin, stofnaði fjölskyldu og starfaði sem blaðamaður og ljósmyndari Morgunblaðsins og síðar sem ritstjóri héraðsfréttablaðsins Austurgluggans og fréttavefs Austurfréttar. Hún lagði svo blaðamennsku á hilluna og einbeitti sér þess í stað að eigin skapandi skrifum á ný. 2016 opnaði hún hugverkavef sinn YRKIR.is þar sem bróðurpartur eldri verka hennar er birtur. Síðan hafa komið út þrjár ljóðabækur, 2017, 2018 og 2019, skáldævisaga/sannsaga (e. creative nonfiction) 2018 og skáldsaga í vetrarbyrjun 2022.
Nýja skáldsagan ber nafnið Ástarsaga og var gefin út sem rafbók og hljóðbók (höfundur les).
Von er á ljóðabók frá Steinunni á vormánuðum 2023.
Steinunn settist að nýju að í Reykjavík árið 2019. Hún er móðir tveggja ungmenna og hefur verið félagi í Rithöfundasambandi Íslands frá 1992.
About the author Ljósm.Valgarður Gíslason
Útgefið efni:
Ástarsaga
skáldsaga, YRKIR hugverkaútgáfa, 2022.
Í senn dropi og haf
ljóð, útg. Dimma 2019.
Manneskjusaga
skáldævisaga, útg. Bókaútgáfan Björt, 2018.
Áratök tímans
ljóð, útg. Félag ljóðaunnenda á Austurlandi, 2018.
Hin blíða angist
ljóð frá Mexíkó, útg. YRKIR hugverkaútgáfa, 2017.
YRKIR - hugverkavefur og hugverkaútgáfa, stofnað 2016.
Ný ljóð, eldri prentuð ljóð, óprentuð eldri ljóð, ljóðaþýðingar,
sögur, greinaskrif um aðskiljanleg efni og ljósmyndasafn.
Hús á heiðinni
ljóð frá Þingvöllum, útg. Andblær, 1996.
Dísyrði
ljóð, útg. Goðorð, 1992.
Einleikur á regnboga
ljóð, útg. Almenna bókafélagið, 1989.
Ljóð, sögur og greinar í safnritum, tímaritum og blöðum og þættir/innslög á ljósvaka.
Nýjast á vefnum: Ástarsaga hugleiðingar ný ljóð
Kynningarmyndband um formlega opnun vefsins á Brúaröræfum 2016
YRKIR.is er birtingarvettvangur hugverka Steinunnar Ásmundsdóttur.
YRKIR er bæði hugverkavefur og hugverkaútgáfa.